azeez tar mujhe rakhta tha wo ragg e jaan se,
yeh baat sach hy, mera Baap kum na tha Maa se!
wo maa k kehnay pe kuch rohb mujh pe rakhta tha,
yeh waja thi mujhe choomtay jhijhakta tha!
wo aashna mere harr karam se raha har damm,
jo khul k ro nahi paya magar shisakta tha!
jurri thi uski har ek haan faqat meri haan se,
yeh baat sach hy mera Baap, kum na tha Maa se!
har ek dard wo chup chaap khud pe sehta tha,
tamaam umrr apno se katt k rehta tha!
wo loat'ta tha kaheen raat dair ko din bhar,
wujood uska paseene me dhal k behta tha!
gilaay thy phir bhi mujhe aise chaak damaan se,
yeh baat sach hy, mera Baap kum na tha Maa se!
purana suit pehnta tha, kum wo khata tha,
magar khilonay mere sub khareed laata tha!!
wo mujh ko soye huay dekhta tha ji bhar k,
na janay soch k kia kia wo muskurata tha!
mere bagher thy sub khuwab us k weeran se,
yeh baat sach hy, mera Baap kum na tha Maa se!
No comments:
Post a Comment